2022 жылдың қаңтар-мамыр айларында елде дәнді дақылдардан 44,8 мың тонна жарма мен ірі тартылған ұн өндірілді. Бұл өткен жылға қарағанда 7,4% артық, деп хабарлайды energyprom.kz сайты. 

Өңірлер бойынша жарма өндіруден көшбасшылар:

  • Павлодар облысы – 29,8%, 13,3 мың тонна. Бір жылда көрсеткіш 12,2% қысқарған;
  • Қарағанды облысы – 8,8 мың тонна;
  • Шығыс Қазақстан облысы – 8,5 мың тонна.

2022 жылдың қаңтар-сәуір айының қорытындысы бойынша жергілікті компаниялар жармаларға сұранысты өткен жылдағыдай 93 пайызға қамтамасыз етті. Импорт үлесі 7 пайызды құрап, Қазақстанға 2,5 мың тонна жарма әкелінді. Ал экспорт үлесі 12,5 пайыздан 9,1 пайызға дейін қысқарды. Қазақстан 4 айда сыртқы нарыққа 3,3 мың тонна жарма жіберді. 

Оқи отырыңыз: Ет бағасы екі аптада 200 теңгеге қымбаттады

Ішкі нарықта 32,9 мың тонна жарма сатылды, көрсеткіш бір жылда 18,7% өскен. 

Қазақстандықтар бәрінен көп қарақұмық жармасын тұтынды. Елде қарақұмық жармасын тұтыну бірінші тоқсанының қорытындысы бойынша жан басына шаққанда 1,5 кг құрады. Тұтыну көлемі бір жылда 0,2% өскен.

Сонымен қатар:

  • ұнтақ жарманы тұтыну – 10,3%, жан басына шаққанда 410 грамға дейін;
  • сұлы жармасы – 2,4%, 243 грамға дейін;
  • тары – 5,2%, 184 грамға дейін. 

2022 жылдың мамыр айының қорытындысы бойынша жарма (күрішті қоспағанда) бір айда 2,7%, жыл басынан 16,6% және бір жылда 27,1% қымбаттады.

Оқи отырыңыз: Қазақстанда азық-түлік бағасы әлі өсіп жатыр. Картоп, сәбіз, күнбағыс майының экспортына шектеу қойылды

Бағасы бір айда:

  • арпа жармасы – 4,5%;
  • ұнтақ жарма – 3,4%;
  • сұлы жармасы – 2,8%;
  • қарақұмық жармасы 2,6%;
  • жүгері жармасы – 2%;
  • тары жармасы – 1,3% қымбаттады. 

Бір жылда:

  • қарақұмық жармасы – 33,3%;
  • арпа жармасы – 30,3%;
  • ұнтақ жармасы – 22,3%;
  • сұлы жармасы – 21,8%;
  • тары – 16,1%;
  • жүгері жармасы – 11,6% қымбаттады.