Қазақстанда депозит бойынша өтемақы 2023 жылғы наурыз айында төленеді. Бұл туралы Отбасы банкінің Instagram желісінде оқырмандар сауалына берілген жауапта айтылған.
Айта кетейік, депозит бойынша өтемақыға өтініш қабылдау мерзімінің аяқталуына 5 күн қалды. Өтемақыға өтініш беру тәртібі жөнінде осы жерден оқи аласыздар.
Өтемақы 2022 жылдың 23 ақпанынан 2023 жылдың 23 ақпанына дейін депозитте жатқан ең төменгі сомаға төленеді. 10% сыйақы салым бойынша сыйақы мөлшерлемесінен тыс төленеді. Өтемақы төлеуге жататын депозиттердің көбі – 1 миллион теңгеге дейінгі салымдар. Өтемақы төленетін ең жоғары сома – 20 миллион теңге.
Оқи отырыңыз:
- Отбасы банкіндегі депозиттерге өтемақы алу жеңілдеді
- Депозит бойынша өтемақы алуға өтініш берудің қосымша науқаны басталды
Еске салайық, 2023 жылғы ақпан айының басында Отбасы банкінің салымшылары 122 520 теңге сыйлықақы алды. 2022 жылдың қорытындысы бойынша депозиттерге барлығы 75 млрд теңге аударылды.
