Арнайы операция барысында ҰҚТ бес белсенді мүшесі ұсталып, олардан Калашников автоматы, Макаров тапаншасы, жауынгерлік граната, тегіс ұңғылы "шолақ" мылтық және синтетикалық сипаттағы есірткі заты тәркіленді. Бұл туралы Ұлттық қауіпсіздік комитетінің баспасөз қызметі хабарлады. 

Топ мүшелері денсаулыққа ауыр зиян келтіру, аса ірі көлемде есірткі затын сату үшін сақтау, қару мен оқ-дәріні заңсыз тасымалдау және сақтау қылмыстарын жасады деген күдікке ілінген.

"Үш күдікті тергеу сотының рұқсатымен қамауға алынып, қалғандарына қатысты тергеу іс-қимылдары жүріп жатыр. Қолданылған шаралар Алматы қаласының қылмыстық ахуалын жақсартуға және қылмыстық ортаның қоғамға әсерін әлсіретуге бағытталған", – делінген хабарламада. 

Оқи отырыңыз: ҰҚК 2,5 млрд теңге болатын 300 заңсыз валюта айналымын тоқтатты

Қылмыстық-процессуалдық кодекстің 201-бабы бойынша, өзге ақпарат тергеу мүддесі үшін жарияланбайды. 

Конституцияның 77-бабы 3-тармағы 1-тармақшасы және Қылмыстық-процессуалдық кодекстің 19-бабы 1-бөлігі бойынша, адамның кінәлі екеніне сот үкімі шыққанша ол жасалған қылмысқа кінәлі емес деп есептеледі.

Оқи отырыңыз: Қазақстанда қылмыс жасаған жасөспірімдердің 47 пайызы еш жерде оқымаған