Президенттің баспасөз хатшысы Берік Уәли Facebook желісінде Мемлекет басшысының неге туған күнін мерекелемейтіні жөнінде түсініктеме берді.
"Бұл жайында былтыр арнайы түсініктеме берген едік. Дегенмен тағы бір мәрте айта кетейік. 17 мамыр әдеттегідей жұмыс күні. Президент Қасым-Жомарт Тоқаев бекітілген кестеге сәйкес жұмыс істейді. Сондықтан ешқандай іс-шара ұйымдастырылмайды, тіпті, Әкімшілік қызметкерлеріне де Президентті құттықтауға рұқсат етілмеді. Мемлекет басшысы үшін бүгін қалыпты жұмыс күні. Оның әулетінде балалардың да, үлкендердің де туған күнін тойлау дәстүрі қалыптаспаған", – деп жазды Берік Уәли.
Оның жазуынша, қазірдің өзінде көрші мемлекеттердің басшылары және Үкімет, Парламент, халықаралық ұйымдардың жетекшілері жүрекжарды тілектерін жеделхаттар арқылы жолдауда, сондай-ақ, телефон шалып құттықтауда.
Оқи отырыңыз:
- Президенттің баспасөз хатшысы: Қасым-Жомарт Тоқаев Twitter-де твитті өзі жазады
- Билік басындағы бір жыл. Президент Тоқаев қабылдаған маңызды шешімдер
