Елордада 7 мамырдан бастап "Артём" және" Әлем " сауда үйлерінде вакциналаудың жаңа пункттері ашылды. Бұл туралы елорда әкімдігінің сайтында хабарланды.
Қоғамдық денсаулық сақтау басқармасы қаланың халық тығыз қоныстанған ауданында орналасқан сауда үйлерінде егу пункттерінің ашылуы, оң жағалаудың тұрғындары үшін вакцина алуға жағдай жасайтынын атап өтті.
"Жаңа нүктелерде күту залдары мен бақылау аймақтары ұйымдастырылған, онда екпе алған адам 30 минут бойы дәрігерлердің бақылауында болуы тиіс. Азаматтардан осы маңызды ережелерді ұмытпауды және вакцинацияға қатысты барлық ұсыныстарды орындауды сұраймыз", – деді басқарма өкілдері.
Оқи отырыңыз: Вакцина алған соң көз жұмған алматылықтың қайтыс болу себебін анықтау үшін тергеу басталды
Қала әкімі Алтай Көлгіновтің тапсырмасы бойынша, егу пункттерінің саны үш есеге көбейді. Елордада вакцинация пункттері "Mega Silk Way", "Keruen", "Хан Шатыр", "Абу-Даби Плаза", "Азия Парк" сауда орталықтарында ашылды. Сондай-ақ, вакцинация пункттері "Биг Шанхай" сауда кешенінде және орталық базарда ашылды.
"Вакцинация пункттерінің көбеюіне байланысты алғашқы медициналық-санитарлық көмек ұйымдарының жұмыс уақыты сағат 8.00-ден 22.00-ге дейін қысқартылды. Сауда және ойын-сауық орталығы үшін жұмыс режимі өзгеріссіз – 10.00-ден 22.00-ге дейін", – деп хабарлады әкімдіктегілер.
