Қажылық – 2025: 10 маусымға дейін Меккеге баруға шектеу енгізіледі

3 сәуір 2025, 09:52 Авторға хат жазу قازاقشا Qaz

Бұл уақытта қала қажыларды қабылдауға дайындалады.

Сауд Арабия Корольдігінің Қажылық және ұмра министрлігі 29 сәуір мен 10 маусым аралығында Мекке қаласына кіруге және қалада болуға уақытша шектеу енгізілетінін хабарлады. Бұл уақыт аралығында қала биылғы қажылық рәсіміне келетін адамдарды күтіп алуға дайындық жұмыстарын жүргізеді.

Соған орай, Сауд Арабия Корольдігі елге туристік мақсатта келетін жандарға ескерту жасады. Корольдік бекіткен заңдар мен ережелерді сақтамаған туристер жазаға тартылады.

Еске салайық, Сауд Арабия Корольдігінің Қажылық және ұмра министрлігі 2025 жылғы қажылық маусымы үшін Қазақстанға 10 мың қажылық орнын ұсынды.

Қазақстандықтарды қажылыққа 15 туркомпания апаруға құқылы.

2024 жылы қазақстандық 5081 мұсылман қажылық сапарға барды.

Оқи отырыңыз: