Қазақстанда орташа жалақы 434 мың теңгеге дейін өсті – Ұлттық статистика

10 ақпан 2025, 17:53 Авторға хат жазу قازاقشا Qaz

Өткен жылдың төртінші тоқсанында орташа жалақы 308 717 теңгеге бағаланды.

2025 жылғы 10 ақпанда ұлттық статистика бюросы 2024 жылдың төртінші тоқсанындағы қазақстандықтардың жалақысы туралы ақпаратты ұсынды.

Статистика бойынша, өткен жылдың төртінші тоқсанында орташа жалақы (еңбекақы ауқымының орталық деңгейі) 308 717 теңгеге бағаланды.

"Қазақстан Республикасында 2024 жылдың төртінші тоқсанында орташа номиналды жалақы (шағын кәсіпкерлік субъектілерін есепке алмағанда) 434 982 теңгені құрады. 2023 жылдың сәйкес тоқсанымен салыстырғанда өсім 10,5%-ды, нақты мәнде 1,8%-ға өсті. Төртінші тоқсандағы орташа жалақының өсуі демалыс және еңбекақы төлеу қорларының ұлғаюы жылдың аяғындағы қосымша төлемдер есебінен болып отыр", – делінген хабарламада.

Оқи отырыңыз: Қазақстанда ҚҚС өскеннен кейін бюджет қызметкерлерінің жалақысы индекстеледі

2023 жылдың сәйкес тоқсанымен салыстырғанда орташа айлық жалақының ең жоғары өсімі келесі салаларда тіркелді:

ақпарат және байланыс – 32,8%-ға;
ауыл, орман және балық шаруашылығы – 22,7%-ға;
жылжымайтын мүлікпен операциялар – 20,3%-ға.