Қарағанды облысы Бұқар жырау ауданындағы Мұстафин атындағы ауылдың әкімі Қайрат Құсайынов көлікті мас күйінде басқарғаны үшін тағы да әкімшілік жазаға тартылды. Бұл туралы ekaraganda.kz жазды.
Ақпанның 3-іне қараған түні полиция қызметкерлері ауданда Құсайынов басқарған көлікті тоқтатқан. Құжаттарды тексеру кезінде жүргізушіден алкоголь иісін сезген.
Медициналық тексеру Құсайыновтың орташа дәрежедегі мас күйінде екенін көрсетті. Сот шенеунікті жеті жылға жүргізуші куәлігінен айырып, 15 тәулікке қамауға алу туралы үкім шығарды.
Оқи отырыңыз: 6 айда жол ережесін 178 рет бұзған жүргізуші 4,5 млн теңге айыппұл төлейді
Жазаның бұлай ауыр болуы кездейсоқ емес. 2018 жылдың тамыз айында Құсайынов осыған ұқсас құқық бұзушылық үшін үш жылға жүргізуші куәлігінен айырылған болатын. Одан кейін сол өңірдегі Қушоқы ауылын басқарды.
