Қар, көктайғақ, тұман: Қазақстанның басым бөлігінде дауылды ескерту жарияланды

27 желтоқсан 2024, 09:15 Авторға хат жазу قازاقشا Qaz

Ел аумағында қар жауып, тұман түседі.

"Қазгидромет" РМК бүгінге, 27 желтоқсанға арналған ауа райы болжамын жариялады.

Синоптиктердің болжамынша, ҚР аумағының басым бөлігінде атмосфералық фронттардың өтуімен қар, жаяу бұрқасын болжанады.

Антициклон сілемінің ықпалында елдің батыс, оңтүстік өңірлері болады, осыған байланысты жауын-шашынсыз ауа райы күтіледі. Республика бойынша тұман, жел күшеюі күтіледі.

Оқи отырыңыз: ҚазАвтоЖол: Қазақстанның оңтүстігінде ауа райына байланысты жолдар жабылады

Астанада күн ала бұлтты, күндіз аздаған қар жауады. Оңтүстік-батыстан соққан жел секундына 9-14 метрді құрайды. Ауа температурасы түнде 11-13 градус, күндіз 6-8 градус аяз.

Алматыда да бұлтты, жауын-шашынсыз. Оңтүстік-шығыстан соғатын жел секундына 2-7 метр. Түнде ауа температурасы 5-7 градус аяз, күндіз 1-3 градус жылы.

Шымкентте де бұлтты, жауын-шашынсыз. Секундына 5-10 метр солтүстік-батысқа ауысатын оңтүстік-шығыс жел. Ауа температурасы түнде 4-6 градус аяз, күндіз 5-7 градус жылы.