Мұсылмандар бүгін Бараат түнін өткізеді. Хадис бойынша, үш күн ораза ұстаған абзал

Мұсылман қауымы бүгін Бараат түнін өткізеді. Хижра жыл санауы бойынша ол – Шағбан айының 14-інен 15-іне қараған түн. Қазақстанда қолданылатын күнтізбе бойынша, Бараат түні ақпан айының 13-інен 14-іне қараған түнге сәйкес келіп тұр.

Қазақстан мұсылмандары діни бірлестігінің ресми сайтында жазылғандай, Бараат "кешірім, тағдыр, тозақтан құтылу түні" деп те аталады. Бұлай аталуының себебі осы түні тағдырға қатысты ризық-несібе, ажал, өмірге келу және өмірден өту секілді нәрселер нақтыланады. Алланың мейірімімен қаншама адамның күнәсі кешіріліп, тозақ отынан құтылады. Бұл түннің артықшылығы жайлы хадистерде, сахабалар мен табиғиндің сөздерінде баяндалған. 

Хадистердің бірінде Шағбан айының 13, 14, 15 күндері ораза ұстаған абзал екені айтылады. 

"Бұл түннің басқа түндерден айырмашылығы Бараат түнінде күн ұясына батқаннан бастап Алла Тағалаға құлшылық жасап, дұға ете беруге болады. Ал басқа түндерде ол түннің соңғы бөлігінде", – делінген ҚМДБ материалында. 

Оқи отырыңыз: 

• Мешітке түскен садақа қаржысы қайда жұмсалады? Бас мүфти кеңесшісінің жауабы
• ҚМДБ 2025 жылғы діни күндер кестесін бекітті. Ораза 1 наурыздан басталады
• Оразаға 30 күн қалды. Биыл Рамазан айы қашан басталады