Қасым-Жомарт Тоқаев сапары аясында облыстың әлеуметтік-экономикалық даму барысымен танысады.
Мемлекет басшысы Жетісу облысына жұмыс сапарымен барды. Сапар аясында президент өңірдегі бірқатар мәдени, туристік, өндірістік нысанды аралап көреді деп жоспарланып отыр, деп хабарлайды Ақорда баспасөз қызметі.
"Қасым-Жомарт Тоқаев Талдықорған қаласындағы тұрғын үй құрылысының жай-күйімен және облыстың әлеуметтік-экономикалық даму барысымен танысады", – делінген хабарламада.
Фото: Ақорда баспасөз қызметі
Мұнымен қатар, мемлекет басшысының Жетісу облысына жұмыс сапары көрнекті этнограф, фольклортанушы, ағартушы-ғалым Шоқан Уәлихановтың бейітіне зиярат етуден басталды.
