Баланың туу туралы куәлігі, неке қию, некені бұзу туралы куәлік сияқты өзге де құжаттар электронды форматқа ауыстырылады, деп хабарлады 31 арнаның Информбюро ақпараттық бағдарламасы.
Бұл азаматтарды халыққа қызмет көрсету орталығы сияқты құжаттың түп нұсқасын алатын мекемелерге бару міндетінен босатады. Қазақстандықтар кез келген уақытта, кез келген мекемеге құжаттың QR-коды бар электрондық нұсқасын ұсына алады. Сондай-ақ, құжатты жоғалтып алған жағдайда, түпнұсқасын жасатудың қажеттілігі болмайды.
Керек болған жағдайда eGov Mobile мобильді қосымшасы арқылы куәлікті қағазға басып, шығарып алуға болады. Ал жеке куәліктің немесе басқа бір құжаттың фотосы цифрлық құжат болып есептелмейді.
Оқи отырыңыз: Мусин отандық IT-компанияларға бірқатар жеңілдік беруді ұсынды
"Жеке куәліктің немесе басқа бір құжаттың фоосы цифрлық құжат болып есептелмейді. Өйткені цифрлық құжат eGov Mobile қосымшасынан, басқа банк қосымшасы арқылы өзіңіздің цифрлық құжатыңызды жүктеп, QR-код арқылы басқа біреуге көрсете аласыз. Яғни, QR-код арқылы смартфоннан цифрлық құжаттың ресми құжат екенін дәлелдей аласыз", – деді Цифрлық даму, инновациялар жəне аэроғарыш өнеркəсібі министрі Бағдат Мусин.
