Кеңестік кезеңнен қалған орысша атауларды қазақшаға ауыстыру ұсынылып отыр.
Алматы облысы әкімдігі мен мәслихатының алты ауылдық округ пен ауылдың атауын өзгерту туралы қаулы жобасы пайда болды.
Жобада кеңестік кезеңнен қалған орысша атауларды қазақшаға ауыстыру ұсынылып отыр. Атап айтқанда:
- Іле ауданының Энергетический ауылдық округі – Өтеген батыр атауымен;
- Іле ауданының Чапаев ауылдық округі мен Чапаев ауылы – Байкент ауылдық округі және Байкент ауылы атауымен;
- Іле ауданының Междуреченск ауылдық округі мен Междуреченск ауылы – Ақсай ауылдық округі және Ақсай ауылы;
- Іле ауданы Энергетический ауылдық округінің Покровка ауылы – Кенен Әзірбаев ауылы;
- Іле ауданы КазЦИК ауылдық округі Комсомол ауылы – Жайнақ ауылы;
- Талғар ауданы Панфилов ауылдық округінің Қызыл Ту-4 ауылы – Жібек жолы ауылы болып қайта атау ұсынылып отыр.
Қаулы жобасы АшықНҚА сайтында 11 тамызға дейін талқылауға ашық.
Оқи отырыңыз: Алматыда атауы жоқ көшелерге Мәшһүр Жүсіп пен Жақсылық Үшкемпіровтің есімі беріледі
