Қазақстан мен Вьетнам президенттері керамика бұйымдарын шығаратын деревняға барды, деп хабарлайды Ақорда баспасөз қызметі. 

Қасым-Жомарт Тоқаев пен Во Ван Тхыонг Хайзыонг провинциясында орналасқан керамика бұйымдарын шығаратын Чу Дао деревнясына бірге барды.

Фото: Ақорда баспасөз қызметі 

"Екі ел басшылары дайын өнімдерді қарап көріп, керамика бұйымдарын дайындау процесімен танысты. Содан кейін президенттер арнаулы станокта қыш құмыра жасап көрді", – делінген ақпаратта. 

Оқи отырыңыз: Вьетнам президенті Во Ван Тхыонг: Қазақ халқының жәрдемін ешқашан ұмытпаймыз

Қазақстан мен Вьетнам президенттері деревняны аралап көргеннен кейін дайын өнімдерге және құрметті қонақтар кітабына қолтаңбаларын қалдырды.

Фото: Ақорда баспасөз қызметі 
  • Чу Дао – тарихы біздің дәуіріміздің XII ғасырынан бастау алатын керамика бұйымдарын дайындаудың көне вьетнамдық әдісі. Бұл қолөнер XIV-XV ғасырларда дамып, XVII ғасырда жоғалып кеткен. Алайда 1980-жылдары Ыстанбұлдағы Топкапы музейінен Чу Дао шеберінің қолынан шыққан құмыра табылды.
  • 2001 жылы Ханой сауда корпорациясы осы ежелгі қолөнерді  қайта жаңғыртып, көне технология негізінде толыққанды өндірісті жолға қойды.