Таеквондодан Қазақстан командасының мүшесі Батырхан Төлеуғали Париж Олимпиадасының ширек финалына өте алмады. 

Ұлттық олимпиадалық комитеттің мәліметінше, ерлер арасында 80 келіге дейінгі салмақта сынға түскен отандасымыз 1/8 айналымда екі дүркін әлем чемпионы, италиялық Симоне Алессиомен кездесті. 

Тартысты жекпе-жекте тәжірибелі италиялық спортшы 2:0 есебімен қарсыласынан басым түсті. 

Оқи отырыңыз: "Бокстан алтынсыз қалған екінші Олимпиада". Бас бапкер Мырзағали Айтжанов жанкүйерлерден кешірім сұрады

Айта кетейік, Батырхан Төлеуғали Қазақстан сапынан Олимпиадаға қатысып жатқан ең жас атлет.

Бұл – 18 жастағы спортшының тұңғыш Олимпиадасы.