Қырғыз парламентінің төрағасы Нұрланбек Шәкиев фамилиясын өзгертіп, Нұрланбек Тургунбекуулы деп жаздырды. Бұл туралы ол бүгін Facebook желісінде хабарлады. 

"Мен әкемнің баласы емес, қырғыздың баласымын. Мұндай сезім барша қырғыз халқының жүрегінде тұруы керек. Қанша өзгеріп, ұқсас болуға тырыссақ та, араб, америкалық, орыс не еуропалық бола алмаймыз. Оларға ұқсағымыз келсе, өзегімізді ұмытып, ақымақ боламыз. Сондықтан, жаңаратын, сонымен бірге өзегімізге оралып, қайта туатын кез келді", – деп жазды Жогорку кенеш спикері.

Оның түсіндіруінше, бүгінгі жаһандану дәуірінде егемендікпен қатар халықтың болмысын берік сақтау басты мәселе: "Тамырымызға оралып, тілімізді, жүрегімізді, дінімізді, салт-дәстүрімізді, әдет-ғұрпымызды таза ұстамасақ, тәуелсіз ел болсақ та ертеңіміз бұлыңғыр болып қала бермек. Өзегінен айырылған ұлт өзінің болмысынан айырылып, тәуелсіздігінен тез айырылатыны сөзсіз".

Оқи отырыңыз:

Еске салайық, Қырғызстанда тұрғындардың ата тегін қырғызшалау бойынша жұмыс белсенді жүріп жатыр. Депутаттар Отбасылық кодекске сәйкес өзгерістерді енгізуді жоспарлап отыр. Оның аясында, қырғыздарға ата тегін жазудың төрт нұсқасы ұсынылады. Олардың қатарында бұрынғы "ов" пен "ев" жалғаулары жоқ:

  • Бірінші нұсқа: Нұрланбек Тұрғынбекұлы, Айзада Жақсылыққызы;
  • Екінші нұсқа: Шақы тегі Нұрланбек, Жомарт тегі Айзада;
  • Үшінші нұсқа: Шақы Нұрланбек, Жомарт Айзада;
  • Үшінші нұсқа: Шақытегі Нұрланбек Тұрғынбекұлы, Жомарттегі Айзада Жақсылыққызы.