Оңтүстік Корея президенті Юн Сок Ельдің шетелге шығуына тыйым салынды, деп хабарлайды Рёхнап.

Қазір елде полиция мен прокуратура президент пен бірқатар жоғары лауазымды мемлекеттік, әскери шенеунікке қарсы тергеу жұмыстарын бастады.

Тергеу жұмыстары мемлекетке опасыздық жасау, әскери жағдай енгізу, бүлік жасау және билікті асыра пайдалану сияқты айыптаулар бойынша жүргізіліп жатыр. Істі жүргізу үшін полиция шамамен 150 тергеушіден тұратын арнайы топ құрған.

Оқи отырыңыз: Оңтүстік Кореядағы саяси ахуал: Сыртқы істер министрлігі мәлімдеме жасады

Бұған дейін полиция өкілі барлық дәлелді жинап, жағдайды бағалау қажет деп мәлімдеген болатын. Соған байланысты президенттен де жеке жауап алынуы мүмкін.

Айта кетейік, осыған дейін Оңтүстік Корея президенті Юн Сок Ель халқынан "әскери жағдай" жариялағаны үшін кешірім сұрады.