Денсаулық сақтау министрлігі электронды темекі сұйықтықтарында бейнеленетін ескертулердің эскизін әзірлеп, оны "Темекі өнімдері мен никотинді тұтынудың зияны туралы ескертулердің эскиздерін бекіту туралы" денсаулық сақтау министрінің 2020 жылғы 30 қарашадағы бұйрығына енгізуді жоспарлап отыр. Бұл туралы Ашық НҚА порталында жарияланған бұйрық жобасынан белгілі болды. Ол 3 наурызға дейін онлайн талқылауда болады. 

Өзгерістерге сәйкес, енді ескертпе суреттер электронды темекі сұйықтықтарында да бейнеленуі тиіс. Төменде ескерту эскиздерін ұсынып отырмыз. Бұл эскиздер электронды темекі сұйықтықтарымен қатар қыздырылатын темекісі бар бұйымдарға да қолданылады.

Оқи отырыңыз: 

"Азапты өлім" эскизі
"Темекі бұйымдарын тұтыну никотинге тәуелді етеді" эскизі
"Туа біткен деформациялар" эскизі
"Тыныс алу жолдарының химиялық күйігі" эскизі
"ДНҚ зақымдануы" эскизі

Еске салайық, 2023 жылғы 1 қаңтардан бастап Қазақстанда темекі өнімдерінің бағасы 590 теңгеден (2022 жылға бекітілген баға) 650 теңгеге өсті.