Жетісу облысында басшысын бопсалап, пәтерін тартып алмақ болған адам сотталды

3 ақпан 2025, 11:31 Жазира Пірімқұл Авторға хат жазу قازاقشا Qaz

Оған 8 жыл бас бостандығынан айыру жазасын тағайындады.

Жетісу облысында бұрынғы компания қызметкері басшысын бопсалап, пәтерін тартып алмақ болған, деп хабарлайды Жетісу облысының прокуратурасы.

Прокуратура мәліметінше, кәсіпкердің коммерциялық қызметінде анықталған заңбұзушылықтар туралы ақпаратты жария етпеу үшін 16 миллион теңге тұратын пәтерді талап еткен.

Полиция қызметкерлері күдіктіні пәтер құжаттарын алу кезінде қылмыстық әрекеттің жолын кескен.

Оқи отырыңыз: Жетісу облысындағы тұрғын үйлердің сапасы сын көтермей тұр

"Сот сотталушыны ҚК-нің 194-бабы (бопсалау) бойынша кінәлі деп танып, оған 8 жыл бас бостандығынан айыру жазасын тағайындады. Үкім заңды күшіне енді. Жетісу облысының прокуратурасы азаматтар мен кәсіпкерлерді бопсалау фактілері туралы құқық қорғау органдарына дереу хабарлауға шақырады", – делінген хабарламада.