Қазақстан құрамасы қыздар арасындағы жарыста күміс жүлдені иеленді.
Халықаралық шахмат федерациясы Венгрия астанасы Будапешт қаласында өткен қырық бесінші шахмат олимпиадасының жеңімпаздарын жария етті.
Ашық секция ойындарына әлем елдерінен 189 команда қатысса, қыздар арасында 169 команда болды.
Олимпиада жеңімпазы – Үндістанның құрама командасы. Олар екі жарыста (жалпы және қыздар арасындағы) да алтын медальді еншіледі. Жалпы жарыста күміс жүлде АҚШ құрамасына бұйырса, қола жүлдені өзбекстандық команда еншіледі.
Қыздар арасындағы жарыста күміс жүлдені қазақстандық құрама, қола жүлдені АҚШ құрамасы жеңіп алды.
Қазақстан қыздар құрамасы. Фото: Халықаралық шахмат федерациясының сайты
