Ұлттық банк басшысы елдің ақша-кредит саясатына қатысты түсінік берді

Ұлттық банк төрағасы Тимур Сүлейменов 2024 жылғы 5 желтоқсанда Сенаттың жалпы отырысында депозиттер бойынша мөлшерлеме деңгейі қазір айтарлықтай жоғары екенін мәлімдеді.

Оның айтуынша, қазір депозиттер бойынша мөлшерлеме деңгейі өте жоғары.

"Шынымды айтсам, жеке өзім қаржыны депозитте доллармен сақтағанға қарағанда теңгемен сақтаған тиімді әрі оңайырық деп ойлаймын. Оның үстіне, бұл өте үлкен фискалдық шығындарды талап етеді. Қазір мемлекеттің қаржылық ресурстары шектеулі. Мұны да есепке алу керек", – деп толықтырды ол.

Тимур Сүлейменов елдің ақша-кредит саясатына қатысты түсінік берді.

"Ұлттық банктің ұстамды қатаң ақша-кредит саясаты мен Үкіметтің инфляцияға қарсы шараларының нәтижесінде баға динамикасы біздің болжамымызға сәйкес қалыптасып келеді. Осы жылдың қорытындысы бойынша инфляция 8-9% аралығында қалыптасады деп күтілуде. Сонымен бірге,сыртқы секторда да, ішкі экономикада да инфляция тәуекелдері бар екенін атап өтемін", – деді Тимур Сүлейменов Сенаттың жалпы отырысында.