Түркістан облысында жер сілкінісі тіркелді

9 желтоқсан 2024, 10:21 Авторға хат жазу قازاقشا Qaz

Жер сілкінісі Астана уақытымен таңғы 8:24-те тіркелген.

Сейсмологтар Түркістан облысында жер сілкінгенін мәлімдеді.

ҚР ТЖМ "Сейсмологиялык зерттеу институты" ЖШС сейсмикалық станциялар желісінің мәліметінше, жер сілкінісі бүгін, 9 желтоқсанда Астана уақытымен таңғы 8:24-те тіркелген.

Жер сілкінісінің ошағы Қазақстан аумағында Алматы қаласынан оңтүстік-батысқа қарай 742 км жерде орналасқан. Есептік қарқындылығы Түркістан облысы Мақтаарал ауданы Атакент ауылында 2 балды құраған.

Оқи отырыңыз: Талғарда жер сілкінісінен кейін мектептерде сабақ тоқтатылды

"Зардап шеккендер мен қираулар туралы мәлімет түскен жоқ", – делінген хабарламада.