Шетелдік жүргізушілерден ақша талап еткен түркістандық полицейлер жұмыстан босатылды

2 сәуір 2025, 11:32 Жазира Пірімқұл Авторға хат жазу قازاقشا Qaz

Фото: Ств арнасының "Бұл менің өмірім" бағдарламасынан скриншот

Қазір екі жол сақшысының үстінен іс қозғалған.

Шетелдік жүргізушілерден ақша талап еткен түркістандық полицейлер жұмыстан босатылды, деп хабарлайды 31 арнаның Информбюро ақпараттық бағдарламасы.

Олар Беларусь азаматтарының транзит көлігін тоқтатып, 200 мың теңге пара сұрағандары үшін тергеліп жатыр.

Күні кеше таралған бұл жазба желіде қызу талқыланып жатыр.

Видеода шетел азаматы Шымкент-Самара тасжолында полиция қызметкерлері тоқтатып, техникалық тексерістен өткен құжатты сұрап, ақша талап еткенін айтады. Аң-таң болған Беларусь елінің тұрғыны жол сақшылары жоқ жерден ілік іздеп тұрғанын айтады. Себебі, ондай құжат транзит көліктерінде болмайды.

Ақшаны бердік деген жүргізушілер құзырлы органдардан көмек сұраған. Қазір Ішкі істер министрлігінің өкілдері мәселенің мән-жайын анықтап жатыр.