Талғар ауданы әкімінің аппарат басшысы Аслан Қасымбаев қызметінен босатылды, деп хабарлады Алматы облысы Талғар ауданы әкімдігінің баспасөз қызметі.
"Талғар ауданы әкімі аппаратының басшысы Қасымбаев Аслан Нұрғайыпұлы қызметінен босатылды. Сонымен қатар, Талғар ауданының әкімі Айдарбеков Танат Есенкельдиевич пен оның орынбасары Бидаев Айбек Дуйсембекович "сөгіс" түріндегі тәртіптік жауапкершілікке тартылды", – делінген хабарламада.
Бүгін, сондай-ақ Талғар қаласының әкімі Бахыт Қуатбекұлы Бахыт Күрішбеков, Талғар қаласымен оның орынбасары Сағындық Матан да өз міндеттерін тиісті деңгейде атқармағаны үшін лауазымдарынан босатылды.
Оқи отырыңыз:
- Шерзаттың өлімінен кейін Талғар әкімі қызметтен босатылды
- Шерзат Болаттың өлімі: Талғарда қамауға алынғандар саны 10-ға дейін өсті
Еске салайық, 4 қазанда Талғар қаласында болған қайғылы оқиға – кәмелет жасына толмаған Шерзаттың өлімі қоғамдық резонанс тудырды. Осыған байланысты жеті адам қамауға алынды. Бұл істі бас прокурор мен ішкі істер министрі өз бақылауына алды.
Кейін, 12 қазанда Шерзат Болаттың үйі өртеніп кетті. Үй сыртынан канистр мен резеіке қолғап табылған.
Қалада қоғамдық тәртіпті Ұлттық ұлан әскері қадағалауда.
