Қостанай облысында жаназаға дейін қонақ асын беруге тыйым салынды

Қостанай облысында Қазақстан мұсылмандары діни бірлестігінің облыстық өкілдігінің ұйымдастыруымен өткен "Дін мен дәстүр: Ысырапшылдықтың алдын алу" жиында жаназа рәсімдерін өткізуге қатысты жаңа шешім қабылданды. 

Қостанай облысының бас имамы Бектұрсын қажы Торғайбайұлының мәлімдеуінше, шешімде нақты талаптар мен шектеулер бар. Олардың негізгілері: 

• қонақ асын (жаназадан бір күн бұрынғы берілетін кешкі асты) тоқтату; 
• ас мәзірін (бауырсақ, нан, қант, кәмпит-піспенан, су, шәй, ыстық тамақ) бірізділікке салу; 
• ҚМДБ-ның "Қамқор-шарапат" салттық қызмет көрсету орталығының бекіткен нормалары бойынша зират көтеру; 
• марқұмның жылдық астарында көрсетілетін бейнероликтердің әуеніне назар аудару, бейнеде алкогольді ішімдігі бар фото не видео көріністердің, әуреті ашық киімдердің болмауын қадағалу; 
• жаназа астарын жиналысқа айналдырмау, сәйкесінше, онда үш адамнан артық кісіге сөз бермеу.

Оқи отырыңыз:

• "Құдайы ас өткізу уақытша тоқтатылсын". Жаназа мен жерлеу рәсімін өткізудің жаңа тәртібі қандай?
• "Өлілер қамын ойламай, тірілер риза болсын дейді". Ас беруде ысырапшылдық неге тыйылмай тұр?
• "Жаназаны несие алып өткізетіндер бар". Құран бағыштау дастарханында қандай ас қойылады?