Қосшыда микроавтобус аялдамаға соғылып жеті бала ауруханаға түсті

Балаларды балабақшаға апара жатқан микроавтобус Қосшыдағы аялдамаға соғылды. Жеті бала зардап шекті, деп хабарлады Ақмола облысы полиция департаментінің баспасөз қызметі.

Апат 9 сәуір күні шамамен сағат 07.00-де "Орманды алқап" тұрғын массивіндегі №2 үйдің жанында болды. Алдын ала мәлімет бойынша, Iveco бағыттық автобусы Toyota микроавтобусымен соқтығысып, ол инерциямен аялдамаға соғылған.

Посмотреть эту публикацию в Instagram

Публикация от Косшы Life | Город Косшы(Лесная Поляна) (@qosshy_life)

Микроавтобуста балабақшаға бара жатқан 10 бала болған. Жетеуі қалалық ауруханаға қосымша тексеру үшін жеткізілді. Полиция апаттың нақты жағдайы мен кінәлі тұлғаларды анықтау үшін оқиға болған жерде жұмыс істеп жатыр.