Қазақстанның екі облысында ауа райына байланысты қозғалыс шектелді

30 қаңтар 2025, 12:44 Авторға хат жазу قازاقشا Qaz

Тасжолды 30 қаңтар күні сағат 18:00-де ашу жоспарланып отыр.

Қазақстанда ауа райының нашарлауына байланысты екі облыста тасжол жабылды, деп хабарлайды "ҚазАвтоЖол".

"ҚазАвтоЖол" мәліметінше, Жетісу облысында "Алматы-Талдықорған-Өскемен-Шемонаиха-РФ шекарасы" автожолының 557-615 шақырым аралығындағы учаскесінде (Үшарал қаласынан Абай облысының шекарасына дейін) көліктің барлық түрінің қозғалысына шектеу қойылды.

Оқи отырыңыз: "ҚазАвтоЖол": Республикалық маңызы бар автожолдарда көлік қозғалысы ашылды

"Абай облысында "Алматы-Талдықорған-Өскемен-Шемонаиха-РФ шекарасы" автожолының 615-768 шақырым аралығындағы учаскесі (Жетісу облысының шекарасынан Аягөз қаласына дейін), сол сияқты "Таскескен-Бақты" автожолының 0-75 шақырым аралығындағы учаскесі (Таскескен ауылынан Үржар ауылына дейін) жабық", – делінген хабарламада.

Жол 30 қаңтар күні сағат 18:00-де ашу жоспарланып отыр.