Денсаулық сақтау министрлігі Қазақстанда тұмау мен жіті респираторлық вирустық инфекциямен ауыратын науқастарды ауруханада емдеуге қатысты өзгерістер енгізуді жоспарлап отыр.
Бұған дейін мұндай науқастарды ауруханада емдеуге қатысты шектеулер бар болатын. Атап айтқанда, ЖРВИ мен тұмауды стационарда емдеуге ғана рұқсат етілмей, тек жүкті әйелдер, 14 жасқа дейінгі балалар және 65 жастан асқан қарт адамдар ауруханаға жатқызылатын.
Денсаулық сақтау министрлігі осы шектеуді алып тастауды көздеп отыр. Ендігі уақытта науқасқа жасалған диагностиканың клиникалық хаттамасының көрсеткіштеріне қарай оны ауруханаға жатқызу не жатқызбау туралы шешім қабылданады. Бұл ретте жасқа қатысты ешқандай шектеу болмайды.
Еске салайық, Қазақстанда қазір маусымдық тұмау мен ЖРВИ асқыну кезеңі өтіп жатыр. Информбюро тұмаудан емделуге қажетті пайдалы кеңестер тізімін әзірлеген болатын. Оны төмендегі сілтемеге өтіп оқуға болады:
Оқи отырыңыз: Тұмау мен ЖРВИ маусымы: Үйде емделу жолдары қандай
