Қазақстанда республикалық тарихи және мәдени ескерткіштерінің саны артады

Мәдениет және ақпарат министрлігі Республикалық маңызы бар тарих және мәдениет ескерткіштерінің мемлекеттік тізімінің жаңа жобасын жариялады. 

Оған Қазақстанның бірқатар өңіріндегі ескерткіштер мен ғимараттар еніп отыр. Олар: 

• Алматы қаласында 1901 жылы салынған тұрғын үй (көпес Филипповтың бұрынғы үйі);
• Көкшетау қаласындағы Абылай хан ескерткіші;
• Алматы облысындағы Қастек қалашығы (IX-XIII ғасырлар) мен «Есік» обалы қорымы (б.з.д. V-III ғасырлар);
• Маңғыстау облысындағы Сұлтан-үпі жерасты мешіті, некрополі және сайы (Х - ХIХ ғасырлар), Кетікқала қонысы (XIV ғасыр), Қызылқала қалашығы, Ақмыш сайы (X - XVII ғасырлар), Көккүмбет күмбезтамы (ХIV ғасырдың ІІ жартысы), Қосқұдық керуен-сарайы, (XIV ғасыр);
• Түркістан облысындағы «Арпаөзен» археологиялық кешені (XVIII-XIX ғасырлар);
• Шығыс Қазақстан облысындағы Өнер музейінің ғимараты. 

Оқи отырыңыз: Әлемде Абайға арналған қандай ескерткіштер бар?