Қазақстанда 2023 жылдың 1 қарашасындағы жағдай бойынша басқарма қоймасында қызылшаға қарсы 29 419 доза вакцина қалды. Бұл туралы Астана қаласының бас мемлекеттік санитарлық дәрігері Сархат Бейсенова Орталық коммуникациялар қызметінде өткен брифингте айтты.
2023 жылдың 6 қарашасынан бастап 6 айдан 10 айға дейінгі балаларды қызылшаға, қызамыққа және паротитке қарсы қосымша жаппай егуді бастау жоспарлануда. 2-4 жас аралығындағы балаларды иммундау 5 желтоқсанда басталады.
Осы мақсатта қосымша 121 мың доза вакцина сатып алынады.
Оқи отырыңыз: Жыл басынан бері қызылша жұқтырғандар саны 11 мыңнан асты
Астанада қызылша ауруы бойынша эпидемиологиялық жағдай тұрақсыз. Биыл наурыз айында қызылша ауруы бойынша бірінші жағдай тіркелсе, осы кезеңнен бері қызылшаға күдікті 1119 жағдай тіркелді. Оның ішінде 14 жасқа дейінгі балалар арасында 848 жағдай, яғни 75,8%.
