"Қазақстан халқына" қорының қамқоршылық кеңесінің алғашқы ұйымдастыру отырысы өтіп, қор қызметінің тұжырымдамалық мәселелері талқыланды.
қамқоршылық кеңестің шешімі бойынша, қор қайырымдылық ұйымдарымен, мемлекеттік органдармен және қайырымдылық көмек көрсетуге тартылған басқа да ұйымдармен ынтымақтастық форматын айқындауы тиіс. Өзара іс-қимылдың негізгі құралы қордың электрондық порталы болады. Оңтайлы шешім қабылдау үшін "Қазақстан халқына" қоры қызметінің тұжырымдамасын әзірлейтін жұмыс тобы құрылды.
Оқи отырыңыз: Рустем Ашетаев: Қор қаржысын солтүстікке "ұлы көшке" бұрайық
Сонымен қатар, қамқоршылық кеңесінің мүшелері қызметкерлерді, ең алдымен мемлекеттік қызметкерлерді, бюджеттік сала қызметкерлерін бір күндік жалақыны аударуға мәжбүрлеу жағдайлары туралы өз пікірлерін білдірді. Қамқоршылық кеңесінің мүшелері осы тәжірибемен үзілді-кесілді келіспейтіндерін айтты:
"Біз барлық қазақстандықтарға үндеу жасаймыз және "Қазақстан халқына" қоры тек жеке және заңды тұлғалардың ерікті аударымдарынан қалыптастырылатынына тағы да назар аударамыз. Сонымен қатар, біз қорға өз үлестерін қосқан қазақстандықтар мен ұйымдарға алғыс айтамыз және өз тарапымыздан көмектің мұқтаж адамдарға жететініне кепілдік береміз".
2022 жылғы 16-19 қаңтар аралығында қоғамдық қорға 16 167 қазақстандықтан 29,3 млн теңге түсті. 75 заңды тұлға мен ірі кәсіпкерлерден 19,2 млрд теңге түсті.
