Аптасына бес рейс жасалады. Билет құны 16 мың теңгеден басталады.
Qazaq air әуекомпаниясы 15 мамырдан бастап Астанадан Үржарға тікелей әуе қатынасын іске қосады.
Рейстер кесте бойынша аптасына бес рет, жұма және жексенбіден басқа күндері ұшады:
- Астана (11:55) – Үржар (13:50);
- Үржар (14:30) – Астана (16:30).
"14 жасқа дейінгі балалар 50% жеңілдікпен ұшады. 5 кг,-ға дейін қол жүгін, 20 келіге дейін жол жүгін алып жүруге рұқсат етіледі. Ұшу күнін өзгертуге және билеттерді қайтару кезінде комиссия ұсталмайды. Билет бағасының құны бір бағытқа 16 мың теңгені құрайды" – делінген хабарламада.
