"Қара тізім". Актер Шәріп Серік желідегі видеодан кейін түсіру алаңынан шеттетілді

Танымал актер Шәріп Серік желідегі видеодан кейін түсіру алаңынан шеттетілді. Полиция тергеу жүргізіп жатыр.

Блогер Әлия Ботеева әлеуметтік желіде Серік Шәріпке ұқсайтын ер адам оның қолтығынан жұлқып әкеткен бейнежазбасын жариялады. Бойжеткен таяқ жегендей қызарған бетінің суреттерін де қоса жариялады.

Алматы қалалық полиция департаменті аталған дерек бойынша тергеу басталғанын мәлімдеді.

Посмотреть эту публикацию в Instagram

Публикация от Aliya Booteyeva (@aliya_booteyeva)

"Тергеу амалдары жүргізіліп жатыр. Оқиғаның болған орны мен уақытын қоса алғанда, объективті мән-жайлар анықталып, Қазақстан Республикасының заңнамасына сәйкес шаралар қабылданатын болады", – делінген хабарламада. 

Sәlem Entertainment компаниясы актер Шәріп Серікпен әріптестік қарым-қатынасын тоқтату туралы шешім қабылдағандарын мәлімдеді. 

Посмотреть эту публикацию в Instagram

Публикация от Sәlem Entertainment (@salem.entertainment)

"Соңғы оқиғаларға байланысты, Sәlem Entertainment ұжымы Шәріп Серікті "қара тізімге" енгізіп, бүкіл келісімшартты толығымен тоқтатты. Бұған дейін жарияланған "Шакал" сериалы мен Qarga сериалының үшінші маусымы ресми түрде жабылды. Сонымен қатар актер Meow сериалының екінші маусымында басты рөлдердің бірін сомдауға тиіс болған, алайда ол жобадан толықтай алынып тасталды", – деп хабарлады Sәlem Entertainment компаниясы.

Сонымен қатар "Патруль: последний приказ" фильмінің шығармашылық ұжымы актер түскен көріністерді кинонұсқадан алып тастамақ. Актермен жасалған бүкіл келісімшарттар тоқтатылды.