Қаңтар оқиғасынан кейін ұсталған азаматты азаптаған полиция қызметкері сотталды

13 қараша 2024, 14:00 Авторға хат жазу قازاقشا Qaz

Үкім заңды күшіне енді.

Қаңтар оқиғасы кезінде ұсталғандарды ұрып-соққан полицейге сот үкімі шықты, деп хабарлайды Алматы прокуратурасы.

Қылмыстық істі Алматы қаласының арнайы прокурорлары тергеп-тексерді.

Прокурорлар 2022 жылғы 8 қаңтарда Алмалы ауданының Полиция басқармасында полиция қызметкерінің ұсталған азаматтарды азаптағанын дәлелдеді.

Оқи отырыңыз: "Қаңтар оқиғасы кезінде ұрланған". Жетісу облысында қару сатушылар ұсталды

"Кінәні мойындау туралы процестік келісімін ескере отырып, сот үкімімен сотталушыға арнайы атағынан және мемлекеттік қызметте жұмыс істеу құқығынан айыра отырып, 2 жыл 6 ай мерзімге бас бостандығын шектеу түріндегі жаза тағайындалды", – делінген сот шешімінде.