Нұрлан Ұранхаев Абай облысының әкімі қызметінен кетті

14 ақпан 2025, 16:37 Авторға хат жазу قازاقشا Qaz

Ол облысты 2022 жылы құрылған кезінен бастап басқарды.

Мемлекет басшысының жарлығымен Нұрлан Телманұлы Ұранхаев Абай облысының әкімі лауазымынан босатылды, деп хабарлады Ақорданың баспасөз қызметі.

Ол 2022 жылы құрылған Абай облысының алғашқы әкімі болды.

Президент Қасым-Жомарт тоқаев бүгін тағы да басқа бірқатар кадрлық өзгеріс жасады.

Атап айтқанда, мемлекет басшысының Жарлығымен Ермек Беделбайұлы Көшербаев Қазақстан Республикасы премьер-министрінің орынбасары болып тағайындалды. Ол Шығыс Қазақстан облысы әкімі қызметінен босатылды.

Сондай-ақ, Тамара Босымбекқызы Дүйсенова Үкімет басшысының орынбасары қызметінен босатылып, Қазақстан Республикасы Президентінің көмекшісі болып тағайындалды.