Демалыс 4 мамыр сенбіден 8 мамыр сәрсенбіге ауыстырылмақ.
Еңбек және халықты әлеуметтік қорғау министрлігі мамырдағы мейрам күндеріне байланысты демалыс күні қалай ауыстырылатынын хабарлады.
"Демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын", – делінген Ашық НҚА порталында жарияланған бұйрық жобасында.
Сәйкесінше, қазақстандықтарға 7-9 мамыр аралығында демалыс беру жоспарланған.
Жалпы, мереке және демалыс күндерін қосқанда қазақстандықтар мамырда барлығы 11 күн, атап айтқанда келесі күндері демалады: 1, 5, 7-9, 11-12, 18-19, 25-26 мамыр.
Еске салайық, мамыр айында үш мереке бар:
- 1 мамыр – Қазақстан халқының бірлігі күні;
- 7 мамыр – Отан қорғаушылар күні;
- 9 мамыр – Жеңіс күні.
Оқи отырыңыз: В Казахстане отказались от военных парадов в 2024 году. Почему?
Құжат жобасы 25 сәуірге дейін жария талқыға ұсынылған.
