Қазақстанның елді мекендеріндегі су тасқынынан зардап шеккен 31 112 адам үйлеріне оралды. Бұл туралы Орталық коммуникациялар қызметінде өткен брифингте Төтенше жағдайлар министрлігінің өкілі Асқар Шәріп мәлімдеді.
8566 адам эвакуациялау пункттерінде қалды. Оның 3718-і кәмелетке толмағандар. 5677 үй мен 2600-ге жуық ауладан су тартылды.
Құтқарушылар Атырау, Ақтөбе, Батыс Қазақстан және Солтүстік Қазақстан облыстарының тұрғындарына көмек көрсетуді жалғастыруда. Су тасқынымен 32 мыңнан астам адам күресуде. Олардың қарамағында үш жүзге жуық қайық пен 13 ұшақ бар.
Оқи отырыңыз: Зардап шеккендерге гуманитарлық жүктерді Қазақстандағы ақылы жолдармен тегін тасымалдауға болады
Төтенше жағдайлар министрлігі Орал (Жайық) өзеніндегі су деңгейінің біртіндеп төмендегенін атап өтті. Құтқарушылар өзен жайылмасындағы саяжайларды айналып өтуді жалғастыруда, өйткені тұрғындардың барлығы өз еркімен эвакуацияланбайды.
