Ұзақ уақыт бойы жоғары көшбасшы аятолла Әли Хаменеидің әлеуетті мұрагері ретінде танылған Иран президенті Абрахим Раиси Әзербайжанмен шекаралас таулы аймақта тікұшақ апатынан қаза тапты, деп хабарлайды IRNA мемлекеттік ақпарат агенттігі.
Раисидің өлімі вице-президент Мохсен Мансуридің X әлеуметтік желісі мен мемлекеттік телеарнадағы мәлімдемесінде расталды. Қаза тапқандар арасында Иранның Шығыс Әзірбайжан облысының губернаторы, Ислам революциясы жетекшісінің Шығыс Әзірбайжан провинциясындағы өкілі және олардың оққағарлары бар. Олардың барлығы құлаған ұшақтың бортында болған.
Бірінші вице-президент Мохаммад Мохбер елдің атқарушы функцияларын бақылауға алады, деп хабарлады мемлекеттік телеарнаның таңғы жаңалықтар бағдарламасы. Конституция бойынша жаңа президент сайлауы 50 күн ішінде өтуі тиіс.
Оқиға орнынан түсірілген кадрларда қалың тұман мен жаңбыр кезінде тікұшақтың тау шыңына соғылғанын көруге болады. Әзірге апаттың ресми себебі жарияланған жоқ. Құрбандар американдық Bell 212 тікұшағында болған.
63 жастағы Раиси 2021 жылы президент болып сайланды. Оның президенттік қызметі қатаң моральдық заңдардың енгізілуімен, үкіметке қарсы наразылықтардың аяусыз басылуымен және әлемдік державалармен ядролық келіссөздерге белсенді қатысуымен ерекшеленді.
Сыртқы саясат пен елдің ядролық бағдарламасына қатысты түпкілікті билік пен соңғы сөзді айтатын Иранның рухани көсемі аятолла Әли Хаменеи халықты үкімет істері көп өзгеріссіз жүргізілетініне сендірді.
Оқи отырыңыз: Қасым-Жомарт Тоқаев: Қазақстан – Батыс пен Шығысты жалғайтын көпір
Иран Сыртқы істер министрі Хосейн Амир-Абдоллахиан АҚШ-пен жанама ядролық келіссөздерді қадағалай отырып, Батысқа қарсы шыққан елдің әскерилендірілген революциялық гвардиясына жақын адам болды.
Үндістан премьер-министрі Нарендра Моди президент Раисидің отбасына және Иран халқына көңіл айтты.
