Бүгін негізгі ҰБТ-ның бірінші мүмкіндігіне тіркелу басталды.
28 сәуірде білім беру грантын тағайындау конкурсына қатысуға арналған ҰБТ-ның бірінші мүмкіндігіне тіркелу басталды. Ол 6 мамырға дейін жалғасады. Ал екінші мүмкіндікке тіркелу 7-14 мамыр аралығында жүргізіледі. Тест 16 мамыр мен 5 шілде аралығында өтеді.
Осы ретте Ұлттық тестілеу орталығы түлектердің ҰБТ-ға тіркелу бойынша ең жиі қойылатын сұрақтарына жауап берді.
Түлектердің бірі "Бір күнде екі рет, таңертең және түстен кейін тест тапсыруға бола ма?" деп сұраған.
Тест орталығының жазуынша, бір күнде ҰБТ-ны екі рет тапсыруға болмайды. Ал одан басқа екі мүмкіндік аралығында шектеу жоқ.
"Тестілеу күнін, орнын және уақытын түлек таңдайды. Бірінші рет шілдеге, екінші рет мамырға тіркелсеңіз де болады", – деп жазылған жауапта.
