Алматыдағы Нұр-Мүбарак университетінің басшылығы ауысты. Бұған дейін Мысыр тарапынан оқу орнының ректоры болып Ахмад Хусейн тағайындалған болса, қазақстандық тараптан Қазақстан мұсылмандары діни басқармасы төрағасының орынбасары, наиб мүфти қызметін атқарған Ершат Ағыбайұлы проректор қызметіне тағайындалды.
Жаңа басшыны ұжымға Қазақстан мұсылмандары діни басқармасының төрағасы, Бас мүфти Наурызбай қажы Тағанұлы таныстырды.
"Ершат Ағыбайұлы 2024-2028 жылдар аралығы мерзімге Нұр-Мүбарак университетінің проректоры болып тағайындалды. Ол – әл-Азхар университетінің түлегі, исламтанушы-ғалым, PhD доктор, ҚМДБ Ғұламалар кеңесінің мүшесі", – деді Бас мүфти.
Еске салайық, Ершат Ағыбайұлы аталған жоғары оқу орнына басшылық қызметке тағайындалып отырған үшінші адам. Оған дейін бұл қызметті профессор Шамшадин Керім мен PhD доктор Қайрат Құрманбаев атқарған.
Оқи отырыңыз: Мұсылман жыл санауы бойынша Мәуліт айы басталды. Ораза ұстау қажет пе
