Депутат Ерлан Саиров көпбалалы аналарға тістерін жөндету үшін қаржылай көмек беруді ұсынып отыр. Айтуынша, аяғы ауыр әйелдер құрсақтағы баласы қалыптасып жатқан кезеңде кальцийді көп жоғалтып, тістерінен айырылады, деп хабарлайды 31 арнаның Информбюро ақпараттық бағдарламасы.
Оның айтуынша, дәл қазір бұл проблема еліміздегі 543 мың келіншекке ортақ. Тісті емдету үшін қыруар қаржы қажет.
"Ана құрсақтағы баласының қалыптасуына кальцийді көптеп жұмсап, өзінің тісінен айырылатыны – медициналық факт. Көпбалалы атанған 543 мың әйелдің барлығының басында бар мәселе – тістің түсуі. Қазақстанда тіс емдеу бағасы шарықтап тұрғанын бәріміз жақсы білеміз, сондықтан бірінші кезекте көпбалалы аналарға тісін жөндеу үшін бір реттік қаржылық төлем қалыптастыру маңызды", – деді ҚР Парламенті Мәжілісінің Депутаты Ерлан Саиров.
Оқи отырыңыз: 8 наурызда Ақтауда қоғамдық көлік әйелдерге тегін қызмет көрсетеді
