Нұр-Сұлтанда "Жұмыс істейтін жастар үшін сатып алу құқығынсыз жалға берілетін тұрғын үй" бағдарламасына қатысуға өтінімдер қабылдау жалғасып жатыр. Құжаттарды тапсыру мерзімі тағы екі күнге ұзартылды, деп хабарлайды елорда әкімдігінің ресми сайты.
"Жұмыс істейтін жастар үшін сатып алу құқығынсыз жалға берілетін тұрғын үй" бағдарламасына қатысуға өтінімдерді қабылдау 2021 жылғы 4 қарашада qatysu.zhilfond.kz порталында электрондық форматта басталды. Бағдарламаға қатысушылардың көп болуына байланысты құжаттар бұрын мәлімдегендей 11 қарашаға дейін емес, 13 қарашаға дейін қабылданады.
Бүгінде тұрғын үй бағдарламасына қатысуға 2 340-қа жуық адам өтінім берген.
Естеріңізге сала кетейік, жалға берілетін тұрғын үй сатып алу және ұзарту құқығынсыз 5 жыл мерзімге беріледі. Ай сайынғы жалдау ақысы – 5-15 мың теңге.
Өтінім берілгеннен кейін, оның қаралуына қарай, өтінім берушінің көрсетілген телефон нөміріне өтінімнің ағымдағы мәртебесі бар SMS-хабарлама жіберіледі. Мына үш статустың бірі болуы мүмкін:
- жұмысқа қабылданды (бағдарламаның шарттарына, құжаттардың толық тізбесіне сәйкес келсеңіз);
- түзету қажет (сіз құжаттардың толық емес пакетін, сапасы нашар құжаттарды және т. б. тіркедіңіз және түзету күні құжаттарды баяндау қажет);
- бас тартылды (бағдарлама шарттарына сәйкес келмедіңіз).
Өтінім беруші өтінімнің мәртебесімен телефонға SMS-хабарлама алғаннан кейін qatysu.zhilfond.kz порталындағы жеке кабинетте таныса алады.
Бағдарламаға қатысты барлық сұрақ бойынша жұмыс істейтін жастарға 109 Call-орталығына (Ұялы телефоннан тегін) немесе 8-700-725-17-32 нөміріне хабарласу керек.
Бағдарламаға қатысу шарттары:
- 29 жасқа толмаған ҚР азаматы;
- аяқталған орта / арнайы орта / жоғары / жоғары оқу орнынан кейінгі білім және ресми жұмысқа орналасқан болуы;
- Нұр-Сұлтан қаласында соңғы 2 жылдан кем емес тұрақты үздіксіз тіркеуде болуы;
- өтініш берушіде және отбасының барлық мүшесінде ҚР бойынша меншік құқығында, сондай-ақ, 2 жыл ішінде сатып алу құқығымен жалға берілетін тұрғын үйдің болмауы;
- төлем қабілеттілігін растау (ай сайынғы табыс минимум 116 680 теңге/соңғы 6 айда 40 АЕК).
Толық ақпарат пен қажетті құжаттар тізімін qatysu.zhilfond.kz порталынан алуға болады. Мұнда қызықтыратын сұрақтарды қоюға мүмкіндік бар, кеңесшілер онлайн жұмыс істейді.
Сондай-ақ, азаматтар ikomek109, қалалық Жастар саясаты басқармасына келесі нөмірлер бойынша жүгіне алады: +7 700 725 17 32.
