Дауыс беруге арналған учаскелер әзірге Қазақстанның барлық өңірінде ашылмады. Орталық референдум комиссиясының хабарлауынша, Атырау, Маңғыстау, Батыс Қазақстан және Қызылорда облыстарында учаскелер жергілікті уақытпен сағат 07.00-де, яғни Нұр-Сұлтан уақытымен таңғы 08.00-де ашылады.
Облыстық, республикалық маңызы бар қалалардың, астананың комиссиялары ұсынған деректерге сәйкес, 2022 жылдың 5 маусымында Астана уақытымен сағат 07.00-дегі жағдай бойынша 12 өңірде 8 072 учаске дауыс беру үшін ашылды.
Республикада дауыс беруге арналған 10 012 учаске бар. Оның ішінде Қазақстан Республикасының шет мемлекеттердегі өкілдіктерінде 52 елде 65 учаске бар.
Оқи отырыңыз: Референдум: Жапония мен Кореядағы учаскелер бірінші болып өз жұмысын бастады
17 учаскеде аумақтық комиссиялардың қабылдаған шешіміне сәйкес дауыс беру таңғы сағат 06.00-де басталды.
