Мал қорымдары мен сібір жарасы көмілген жерлерді су басу экология мен тұрғындардың денсаулығына әсер етпейді. Бұл туралы Сенатта өткен брифингте Денсаулық сақтау вице-министрі, еліміздің бас санитарлық дәрігері Айжан Есмағамбетова айтты.
Оның айтуынша, қазір Денсаулық сақтау министрлігі септиктерді, қосалқы құрылыстарды және сумен жабдықтау нысандарын бақылауда. Мамандар күн сайын суға батқан эпидемиялық маңызы бар нысандардың санын бақылап, су тартылған соң жұмыс істейді. Одан кейін дезинфекция жұмыстарын жүргізеді.
"Мал қорымдары туралы әлі де көп сұрақтар қойылуда. Негізінде, сібір жарасы қорымдары мен мал қорымдары біз үшін аса қауіпті емес. Үлкен тәуекелдер жоқ. Соған қарамастан, су тартылған сайын біз ветеринарлық қызметпен бірлесе отырып, осы жерлерден су мен топырақтың сынамасын алып жатырмыз. Біз де зертханалық зерттеулер жүргіземіз. Біз жүргізген зерттеулерге сәйкес, нәтижелер – теріс. Яғни, ауру қоздырғыштары мен аурулары жоқ, бірақ бұл орындар әлі де дезинфекцияланды", – деді Айжан Есмағамбетова.
Оқи отырыңыз: Тасқыннан соң инфекцияның таралуына жол бермеу үшін залалсыздандыру жұмыстары басталды
