Қуандық Бишімбаев сотты болса, алдағы уақытта шартты түрде мерзімінен бұрын босатылуы мүмкін. Сонымен қатар, қоғамға шартты түрде мерзімінен бұрын босату туралы хабарланбайды, деп мәлімдеді адвокат Жанна Оразбақова.
Оның айтуынша, Қуандық Бишімбаев аса ауыр қылмыс жасағаны үшін сотталған болса, мерзімінің 2/3 бөлігі өткеннен кейін шартты түрде мерзімінен бұрын босату туралы өтініш бере алады.
Заңгер өтінішті бірқатар шарттар орындалғанда ғана беруге болатынын атап өтті: келтірілген шығынды толық өтеу, өзі тұратын мекеменің режимін сақтау. Өтініш бойынша шешімді судья шығарады.
"Шартты түрде мерзімінен бұрын босату бойынша әдетте Қылмыстық-атқару жүйесі комитетіне өтініш жіберіледі. Өкінішке орай, бұл туралы ешкімге хабарланбайды. Мысалы, 2021 жылы зардап шеккен қыздың мүддесін қорғадық. Жақында оның (сотталған адамның – автор) шартты түрде мерзімінен бұрын босатылғанын білдік. Егер олар босатылса, бұл туралы ешкімге хабарланбайды, ешкім білмеуі мүмкін", – деді Жанна Оразбақова.
Оқи отырыңыз: Адвокат Бишімбаевтың өмір бойына бас бостандығынан айырылатынына сенбейді
