Стипендия иегерлері әдебиет пен өнер қайраткерлері болды.
Қасым-Жомарт Тоқаев мәдениет саласындағы 2023 жылға арналған мемлекеттік стипендия тағайындау туралы жарлыққа қол қойды, деп хабарлайды Ақорда сайты.
Стипендия иегерлері әдебиет пен өнер қайраткерлері болды. Олардың арасында Қазақстанның еңбек сіңірген қайраткерлері, мемлекеттік сыйлықтың лауреаттары, орден иегерлері бар.
Оқи отырыңыз: "Жалақы 60 мың-ақ теңге". Ринат Зайытов мәдениет саласы қызметкерлерінің жалақысын көтеруді сұрады
Бұрын бұл стипендия "Қазақстан Республикасының Тұңғыш Президенті – Елбасының мәдениет саласындағы мемлекеттік стипендиясы" деп аталды. 2022 жылдан бастап атауы "Мәдениет саласындағы мемлекеттік стипендия" болып өзгерді. Сонымен қатар, стипендия мөлшері 20-дан 55 АЕК-ке дейін ұлғайды.
