Президент Қасым-Жомарт Тоқаев қазақстандықтарды балаларды қорғау күнімен құттықтады, деп хабарлады Ақорда сайты.
Мемлекет басшысы өскелең ұрпақтың жан-жақты дамуына қолайлы жағдай жасау – мемлекеттің басты міндетінің бірі екенін атап өтті.
"Біз заманауи мектептер мен жайлы балабақшалар салып, инновациялық орталықтар, оқушылар сарайларын және спорт кешендерін ашып жатырмыз. Үйірмелер мен секциялар да ұйымдастырылған. "Балалар жылы" аясында көптеген жаңа жобалар қолға алынды. Әрбір баланың талабын ұштап, дарынын ашуды көздейтін түрлі іс-шаралар жүзеге асырылуда", – деді Қасым-Жомарт Тоқаев.
Ол сонымен бірге мемлекет жылдан жылға бұл бағыттағы жұмысты күшейте түсетініне тоқталды. Өйткені, жас ұрпақтың мықты азамат болып өсуі еліміздің тұрақты дамуына және баянды болашағына жол ашады.
Оқи отырыңыз: Қазақстанда бала санына қарай жәрдемақы төлеу бала туу көрсеткішіне қалай әсер етті?
