Полиция тергеу барысында туды аяқ асты еткендерді тауып, жазаға тартпақ.
Атырауда көк байрақты қоқысқа тастағандар іздестіріліп жатыр, деп хабарлайды 31 арнаның Информбюро ақпараттық бағдарламасы.
Мемлекеттік рәміздің үйіндінің арасында жатқан видеосы көпшіліктің ашуын туғызды. Мыжылып жатқан ту шетелдік компанияның базасында табылған. Ағаш қалдықтарының арасында жатқан мемлекеттік туды сол маңайда жүрген тұрғындар түсіріп үлгерген.
Көк байрақты нақты кімнің тастағаны және қандай мекемеден алынғаны әзірге белгісіз. Қазір осы іске қатысты "мемлекеттің басты нышанын қорлау" дерегі бойынша сотқа дейінгі тергеу басталды.
Оқи отырыңыз: Президент: Әр отбасында көк байрағымыз тұрса, өте жарасымды болатыны сөзсіз.
