Астана мен Алматыда ақылы автотұрақ мәселесі қалай шешіліп жатыр

Мәжіліс депутаты Нартай Сәрсенғалиев Астана және Алматыдағы ақылы автотұрақтар мәселесінде ілгерілеу барын хабарлады. Ол депутат Үнзила Шапақпен бірге екі қала әкімдігіндегі тұраққа жауапты тұлғалардың қатысуымен болған жұмыс нәтижелерін бөлісті. 

Астана қаласы:

• 2025 жылғы жазда Астанадағы ақылы автотұрақтар әкімдіктің қарамағына толықтай өтеді. 
• Ақылы автотұрақта тегін тұру уақыты 5 минуттан 15 минутқа дейін артады. 
• Халыққа қызмет көрсету орталықтарының алдындағы автотұрақтар тегін болады. 

Алматы қаласы: 

• Алматыда ақылы автотұрақтың ақысын төлеуді ұмытып кеткендерге алдымен смс хабарлама барады. Бұл жоба қазірдің өзінде ішінара жүзеге асырылуда, енді оны бүкіл қала аумағында іске асыру жоспарланып отыр. 
• Енді айыппұл смс жолданғаннан кейін ақыны 24 сағат ішінде төлемегендерге ғана салынады. 
• Ақылы автотұрақтардың ақысын төлемегендерге салынатын айыппұл сомасы 3 есе азайды. 

Оқи отырыңыз: Ақылы автотұрақ: Астаналықтардың төлегені 726 млн, ал арқалаған айыппұлы – 5,6 млрд теңге