Бастапқы жарна – пәтердің 10 пайызына тең.
Жастарға арналған өңірлік тұрғын үй бағдарламаларының қатарына "Ақмола жастары" бағдарламасы қосылады. Отбасы банкінің Ақмола облыстық филиалы өңірлік ипоеканың негізгі шарттарын жария етті, деп хабарлады Ақмола облысы әкімдігінің баспасөз қызметі.
Бағдарламаға облыстың 35 жасқа дейінгі тұрғындары қатыса алады.
- Пайыздық мөлшерлеме – 5%;
- Бастапқы жарна – 10%;
- Несие мерзімі – 19 жыл;
- Несие сомасы – 15 млн теңгеге дейін.
Бірінші кезекте тұрғын үй бағдарламасына Көкшетау қаласының жастары қатысады. Өйткені, өңір жастарының басым бөлігі облыс орталығында тұрады.
Оқи отырыңыз:
- Мемлекет басшысы жастар ипотекасының бюджетін арттыруды тапсырды
- Пәтер алуға арналған 8 ипотека. Тиімдісі қайсы?
Ақмола облысы әкімдігінің мәліметінше, өңірдегі жастардың үлесі 153 мың адамнан асады, бұл облыс халқының жалпы санының 20% құрайды. Қалада 68 510 жас, ал ауылдық жерлерде 84 872 жас тұрады.
